Aa Che Angaar Amara
જેના રોમરોમથી ત્યાગ અને સંયમની વિલસે ધારા આ છે અણગાર અમારા
દુનિયામાં જેની જોડ જડે ના એવું જીવન જીવનારા ... આ છે
સામગ્રી સુખની લાખ હતી, સ્વેચ્છાએ એણે ત્યાગી સંગાથ સ્વજનનો છોડીને સંયમની ભિક્ષા માંગી, દીક્ષાની સાથે પંચમહાવ્રત, અંતરમાં ધરનારા આ છે અણગાર અમારા
ના પાંખો વીંઝે ગરમીમાં ના ઠંડીમાં કદી તાપે ના કાચા જળનો સ્પર્શ કરે, ના લીલોતરીને ચાપે . નાનામાં નાના જીવોનું પણ, સંરક્ષણ કરનારા આ છે અણગાર અમારા
બોલીને પ્રિય થવાનો, વિચાર પણ ના લાવે યા મૌન રહે યા સત્ય કહે, પરિણામ ગમે તે આવે, જાતે ન લે કોઈ ચીજ કદી, જો આપો તો લેનારા આ છે અણગાર અમારા
ના સંગ કરે કદી નારીનો, ના અંગોપાંગ નિહાળે જો જરૂર પડે તો વાત કરે, પણ નયણાં નીચાં ઢાળે, મનથી વાણીથી કાયાથી, વ્રતનું પાલન કરનારા આ છે અણગાર અમારા
ના સંગ્રહ એને કપડાંનો, ના બીજા દિવસનું ખાવું ના પૈસા એની ઝોળીમાં, ના એના નામે થાણુ, ઓછામાં ઓછા સાધનમાં, સંતોષ ધરી રહેનારા આ છે અણગાર અમારા
ના છત્રધરે કદી તડકામાં, ના ફરે કદી વાહનમાં મારગ હો ચાહે કાંટાળો, પહેરે ના કંઈ પગમાં, હાથેથી સઘળા વાળ ચૂંટે, માથે મુંડન કરનારા આ છે અણગાર અમારા .
કલ્યાણ જીવોનું કરવા કાજે, વિચરે દેશ વિદેશે ના રાયપંક કે ઊંચનીચ, સરખા સૌને ઉપદેશે,
અપમાન કરો યા સન્માનો, સમતાભાવે રહેનારા
Singer : Jaydeep Swadia _ Piyush Shah
Song from Shree Samkit Yuvak Mandal